ATB feat. Sean Ryan - Killing Me Inside

نفسي اليوم ده ميجيش
إلى أبقى مش محتاجة حد فيكو
إلى هبقى شخص مش عارفاه
إلى هبقى حد تاني
غير إلى أنتم تعرفوه
و أنا نفسي هبقى مش عارفاه

ياما نفسي تقولولي إحنا هنا مش هانسبيك
هنفضل جانبك

بس أنتم مش هاتعملوا كدة
لانكم دايما بتختاروا الطريق الأسهل 

Angham - nefsi ahebak / أنغام - نفسي أحبك

ربنا موجود..

الاحد ٢٤/٠٢/٢٠١٣

يوم بيوجع اوي.. 

من الحاجات اللي عمري مافهمتها برضه..

ان ساعات لما الانسان يبقى تعبان و في حاله نفسيه وحشه..

مابيحتاجش يسمع نصايح..

ولا بيحتاج كلام عاقل من نوعيه اجمد انت قدها و انت قوي.. و ماتستلمش.. ولا الكلام  الهادي العاقل ده..

و لا حتى بيحتاج يسمع هو المفروض يتصرف ازاي.. لانه في اغلب الاحوال بيبقى عارف بس مش قادر يعمل.. 

النصايح و المحاضارات في حاله زي حالته.. مش هاتعمل حاجه غير انها هاتوجعه.. اوي.. 

كل اللي بيحتاجه في الوقت ده..

كلمه حلوه تحسسه انه مش لوحده.. 

انه مش وحش انه بيحس بالحاجات الوحشه ديه.. 

ان مش لازم تكون غلطته.. 

ان مش لازم يكون ذنبه.. 

ان ساعات كتير الواحد بيدفع تمن غلطه مش غلطته.. 

ان ساعات الدنيا مابتكونش عادله.. 

ان ساعات الدنيا بتسيب علامه فينا.. كلنا.. و ده عادي.. 

ان هو مش اول ولا اخر حد الدنيا هاتعمل فيه كده.. 

بيحتاج يسمع انه مش لازم يواجه كل ده لوحده.. 

ان فيه حد جنبه.. 

بيحتاج حضن.. 

بيحتاج طبطبه..

بيحتاج يحس بالهدوء..

بالسلام النفسي.. 

بيحتاج يحس بالطمئنينه.. 

بس..