انت ممكن تأثر ف حياه بني آدم بس ب "كلمه".
كلمتك يا تكون زي السيف تموت او زي الورد تفرح.. يا توصل ل سابع سما يا ل سابع ارض.. بس.. ب "كلمه"..
قد ايه اللسان ليه سحر عجيب..
عارف كلمتك ديه ليها مفعول السحر على ودن و قلب اللي قدامك... مهما بينلك انو مش مهتم او انوا مش فارق معاه.. كلامك بيأثر فيه.. بيدخل جواه.. بيخترقه.. بيكون عامل زي الايد الي بتديلوا بالقلم او زي الايد الطيبه اللي بتطبب عليه.. متستهونش بالكلمه.. اه هي كلمه.. بتتقال في اقل من الثانيه و بتبذل فيها مجهود لا يذكر و بتحرك فيها كام عضله من مليون عضله عندك زيها في جسمك و ممكن تقولها و انت قاعد و انت بتاكل وانت بتتفرج علي التليفيجن و انت ماشي.. ممكن تتقال في اي مكان و اي زمان.. بس.. بتسيب علامه في اللي قدامك يا ف وقتها.. او لوقت كتير بعدها.. او... ممكن تاثر فيه لبقيت عمره.
"انتي زي القمر" ٣ كلمات بس يخلوا اوحش بنت في العالم تمشي فارده ضهرها ولا اكنها مارلين مونرو...
"انت تافه" كلمتين صحيح.. بس مصيبه سوده.. كلمتين ممكن يكسروا طفل برئ كان ممكن يبفى حاجه كبيره لولا انوا سمع الكلمتين دول.. يخلوا انسان يفقد الامل ف دنيته و ف نفسه مع انوا كان ممكن يغير الدنيا للاحسن.. زوج كان ممكن يهد الدنيا لمراته بس كلمتين زي دول هايخلوا الدنيا سوده ف عينه.. بنوته جميله هاتفقد الثقه ف نفسها مع ان ممكن كانت تبقى ماشيه رافعه ضهرها في الدنيا...
و تخفش من لسانك.. ماتخفش قول كل اللي نفسك فيه.. بس قوله بعد ماتكون قيسته علي نفسك.. حس بيه.. و شوف تحب حد يقولك الكلمه.. الكلمتين.. الكام كلمه دول ولا لا..
كون مصدر خير وسعاده للي حواليك.. ساعدهم و كون حواليهم بكل اللي تقدر عليه.. هما مالهومش زنب يتعزبوا بسببك... حتي لو.. ب "الكلمه"
