عن كل مافتكر
كل كلمه “اكرهك” و كانت في الاصل بحبك
كل كلمه “مافيش” وكانت بليز اسأل
كل كلمه “مش عايزه” وكانت عايزه
كل كلمه “شكرا” وكان وراها حزن
كل كلمه “انا كويسه” وكانت انا مش كويسه خالص و بليز اسال مالك و عايزه حضن دلوقتي حالا والا هانفجر في العياط
عن كل كلمه “الحمد لله” قلتها وكان وراها فقدان امل كبير جدا في الدنيا
عن كل “ابتسامه” فردت وشي بيها بالعافيه و كان وراها الم مايتوصفش
عن كل “دحكه” دحكتها بس عشان اكتم العياط
عن كل حاجه و عكسها
عن كلام كان معناه اعمق من اول معني بيتفهم
عن وجعك انه اتفهم بمعنى غير معناه ومش عارف تغيره
عن احتياجك لحد يفهم من غير ماتشرح
عن تعبك من الشرح و الكلام
عن حزنك لما تلاقي القريبين مابيفهموش
واستغرابك لما تلاقي بعاد بيفهموا و كمان بيقدروا
عن دنيا مابتديش اللي عايزه
وبتاخد كتير عايزه
عن يقينك ان فيه حكمه ورا كل ده
بس مابقتش عارف ليه او ازاي
عن كلمه الحمد لله اللي بتقولها و تحس بقلبك بينفجر في العياط بعدها
بس بتبتسم عشان عينيك ماتفضحكش
عن دنيا
مابقتش حاببها
بس لازم تعيشها
عن امل لازم تخليه منور جواك
ولا هاتموت
عن احساسك انك اتكسرت
بس لازم تجمد و تقف
عن روحك اللي بتتعذب من كل حاجه حواليها
بس لازم تمثل انها كويسه
عن حجات كان نفسك فيها و جت متأخر اوي ف مبقاش ليها معنى
عن حاجات كان نفسك تيجي و ماجتش اصلا
عن قلبك اللي واجعك اوي
بس لازم يفضل جامد و يكمل
عن ناس مشيوا
و كان نفسك يفضلوا
عن ناس موجودين و مش حاسس بوجودهم
عن ناس بعاد بس قريبين
عن اهل مش اهل
و مش اهل و اهل
عن نضوج و طفوله بتموت جواك
عن كلام نفسك تقوله و مابتقدرش
عن كرامتك اللي واجعاك و بتحاول تعيش بوجعها
عن موت و حياه
عن حب و كره
عن حنين و بعد
عن مشي و رجع
عن بعد و قرب
عن هنا و هناك
عن دفا و برد
عن راحه و تعب
عن انتظار و مفاجأه
عن فرح و ملل
عن سفر و رجوع
عن كل كان و كان
عن امل بتشوفه بيضيع
عن حزن بيكبر جواك
ولازم تتعلم تعيش بيه
عن انا اللي مابقتش انا
عن انا اللي عارفه ان انا مش هاتبقي انا تاني
عن حياه... بنعيشها
ليست هناك تعليقات:
إرسال تعليق