نوع جديد من الحزن و الوجع بدأت اتعرف علىه و بحاول اتقبل وجوده الايام ديه
.
.
نوع بتفشل كل محاولاتي اني اخرج منه
لا نوم بقه بينفع زي زمان
ولا فضفضه
ولا زعيق
ولا جنان
ولا سريخ في وش حد
ولا عياط كتير لحد لما الواحد يتهد و ينام- بس يصحى زي الفل
ولا اي حاجه
.
.
نوع كده مختلف
فريد من نوعه
.
.
نوع بيتميز
بالهدوء
و
الصمت
٠٠
الكلام بيفشل انه يشرحه
بيفشل انه يوصله
.
.
نوع ماحدش بيفهمه الا اللي حسه
و بما انه نوع فريد من نوعه
فالمحظوظين واللي من حظهم “العثر” في الدنيا وحسوا بيه قليلين
وبالتالي محدش بيفهمه اوي
..
نوع
لو حاولت تشرحه هاتتهم بالجنون
او لو حاولت تفهمه هاتتجنن فعلا
و عقلك هايطير معاه
..
نوع من كتر مابتعيش معاه
بيتحول لجزء منك
ليه جذور عميقه
في روحك و قلبك
.
.
بيتحول شويه بشويه
لجزء من حياتك
.
بتحس بيه كل يوم
.
بتشوفه
.
بتسمعه
.
بتكلمه
وبيكلمك
.
جرح
لازم تسيبه مكانه
ماتحاولش تقربله
او تطلب منه انه يمشي
او تعند معاه حتى او تحاول تحاربه
-اوعى تحاول تحاربه-
لانه عنده القدره انه يحول حياتك
ل أسوأ انواع الجحيم الدنيوي
نوع بيتحول لان من الذكاء انك تسلم ليه
تتقبل وجوده جواك
ترحب بيه لو تعرف
تصاحبه
وتعيش بيه
.
.
وبيبقى بس
انك تتعود
.
تتعلم
.
تعرف
.
انك تعيش بيه
و معاه
..
عشان تكمل حياتك
ليست هناك تعليقات:
إرسال تعليق