حكايه كل يوم
الحزن عمره مابيمشي
بيفضل موجود
في الخلفيه
بيزن طول الوقت
بس الحياه و الدنيا بتشغلنا عنه اوقات
وبيجي الليل
وانت لوحدك
الصوت بيبتدي يوضح
بتسمعه
بيظهر من الخلفيه
وبتشوفه
بتحسه
وبتفضل انت و هو لوحدكوا
و بيجي النوم
بينقذك منه
وبتهرب
وتصحي الصبح
ليوم جديد
باحلام جديده
وامال كبيره
وانشغالات كتيره
وتنسي الحزن في الخلفيه
تاني
وبتنشغل عنه
تاني برضه
بتنسي حتي ساعات وجوده
ويجي الليل
والصوت يعلي و يوضح و يكبر
تشوفه تاني
و تستني منقذ كل يوم
و الحياه ماشيه
وهاتفضل تمشي
والحزن هايفضل موجود
معاك
دايما في الخلفيه
ليست هناك تعليقات:
إرسال تعليق