عن قلبي اللي بيتاخد مني و بينط من مكانه كل مابسمع نوتيفيكاشن الموبايل ب ايمايل جديد وصل.. 

عن الفرحه و الزقططه لما بتتطلع انت.. 

عن خيبه الامل و الحزن لما مابيطلعش انت.. 

عن الموبيل اللي بعمله سايلنت عشان التوتر اللي بيجيلي كل لما الموبايل بيفكر ينطق.. 

و عن نفس الموبايل السايلنت اللي ببص فيه كل ٣ دقايق عشان اشوف لو فيه نوتيفيكاشن جديده جت.. و ساعات كل دقيقه..

عن نفس الفرحه و الزقططه لما بيطلع فيه حاجه منك.. 

و عن نفس خيبه الامل لما مابيطلعش انت..

عن عيني اللي بغمضها قبل ما اقرا انت كاتب ايه.. اكن الايمايل هديه جديده بفتحها في عيد ميلادي..
عن قلبي اللي بيقعد يدق يدق يدق.. اكني هاشوفك بعد فراق طويل..
عن كلام بيبقي نفسي اشوفه مكتوب..
عن فرحتي لما بلاقيه..
عن الكلام اللي مابلاقيهوش.. و مابزعلش..
عن عيني اللي بتتمنى تطلعلي منه و اشوفك..

عن انك واحشني.. 

عن الابتسامه اللي علي وشي و انا بكتب ده دلوقتي..

عنك انت :)