فيه فرق كبير
بين انك حزين مدايق مش مبسوط
even screwed up
و بين انك فاشل مستسلم للحزن و سايبه يلعب بيك العاب
..
مش معنى انك بتحاول تفهم حزنك و تتعامل معاه بالطريقه الصح
او انك تفهم نفسك تتقبل عيوبك تدور جواك تصلح من نفسك تتخطى مشاكلك تفتح الاوضه الضلمه اللي في قلبك و تدخلها بقلب جامد و تبقي عايز تنضفها
و انك تنهي قصاد كل ده حياتك
..
فيه فرق بين انك تستسلم لوجود عيوب و بين انك تتقبلهم عشان تعرف تتعامل معاهم
و قصدي بتستسلم انك تتقبله تفهمه تقبل وجوده بس ممكن استسلام كلمه اكبر من المعنى ده مش عارفه بس قصدي تتقبل الواقع لان جزء كبير من حل اي مشكله انك تتقبلها الاول
و بين انك تسلمله حياتك و توقف حياتك عليها..
..
احنا مخلوقين في الدنيا لاهداف معينه
مش معني اننا قررنا نزل رحله لاسكتشاف نفسنا
اننا ننسي الهدف الاسمى من خلقنا
كلنا عارفين احنا اتخلقنا علي الارض ليه
ده هدف وجودنا اصلا
و ماينفعش عينا تضيع ابدا من علي الهدف ده
..
انت بتستكشف نفسك لانك لازم تبقى عارف نفسك
دوافعك في الحياه
مبررارتك
تفكيرك
تصرفاتك
اخطائك
كل ده لازم تكون متحكم فيه كويس
وعشان تتحكم ف كل ده
لازم تفهم انت بتعمله ليه
وعشان تفهم انت بتعمله ليه
لازم تدخل كل الاوض الضلمه جوا قلبك و روحك
تفتح الشبابيك فيهم
تخلي الشمس تدخل
وديه
procedure
كافيه انها تخليك حزين شويه
مدايق ان كل ده جواك
متلخبط
مش فاهم لشويه وقت
بس
ال
good news
ان بعد شويه وقت الدنيا هاتهدي
لما الشمس تتطهر كل العفن جوا الاوض
و
هاتفهم نفسك في الاخر
عمرك ما هاتفهما وانت سعيد
والعصافير بتززقق حواليك
هاتفهما و انت حزين
منهار
منكسر
لان اللحظات ديه
هي اللي بتعرف تشوف فيها صح
لان فتنه الدنيا بتتنتهي عند كل انكسار قلب
لانك بتقرب من اللي خلقك و انت كسور
قلبك بيصفى من حب الدنيا
روحك بتعرف توصل لفوق
ف بتشوف كويس
الرؤيه بتوضح
..
مش عيب ابدا انك تبقي حزين
مش عيب ابدا انك تبقي مش مبسوط
و مش معني انك حزين انك مابتفرحش
او انك مابتعرفش تفرح
ديه حاجه و ديه حاجه تانيا
ووجود ده لا يمنع وجود ده
لان نوع الحزن ده مختلف
لكن
العيب بجد انك تبقى فاشل
العيب انك تسيب اي حاجه في الدنيا تتحكم فيك
العيب انك تضعف قدام حزنك و تسيبه يقررلك
العيب انك تفشل بسبب شويه حزن
ربنا حطهم في طريقنا لحكم كتير
ابسطها عشان يرقق قلوبنا
و اسباب تانيه كتير اوي
..
انت سيد حياتك
ليست هناك تعليقات:
إرسال تعليق